ដើមត្នោតខ្មែរ

ឈូកមានប្រយោជន៍តាំងពីក្រអៅ ស្លឹក ផ្លែ ផ្កា

ដើមត្នោតខ្មែរ — Wed, 06 Apr 2011 08:33:01 +0000

ក្រៅអំពីត្នោត គេសង្កេតឃើញថាឈូកក៏ជារុក្ខជាតិដែលផ្តល់អត្ថប្រយោជន៏ច្រើនសំបូរបែប ពីគ្រប់ផ្នែករបស់វា។ ក្នុងនោះរួមមានក្រអៅ ស្លឹក ផ្លែ បណ្តូល ផ្កា។ source

ត្រឡប់មកសារជាថ្មី

ដើមត្នោតខ្មែរ — Tue, 05 Apr 2011 06:08:38 +0000

ពាក្យចាស់លោកថាគ្មានអ្វីដែលហួសពេលទេ ឲ្យតែយើងចាប់ផ្តើម និង មិនបោះបង់ចោល។ ខ្ញុំខានUpdate ប្លុក ជាង១ឆ្នាំមកហើយដោយសាររវល់ផង ខ្ចិលផង អត់អ៊ីនធឺនេតផង ហ៊ឺស ក៏ទុកចោលទៅ។ឥឡូវនេះមានឱកាសក៏ចាប់ផ្តើមម្តងទៀតដោយសង្ឃឹមថានឹងបានចូលរួមចំណែកជួយសង្គម ទោះតិចក្តីច្រើនក្តី។

មេគយបាវិតសប្បាយយកប្រាក់ពីឯកសារចុះប្រតិវេទន៍គយ

ដើមត្នោតខ្មែរ — Tue, 05 Apr 2011 04:40:29 +0000

ដោយ ៖
ថ្ងៃទី 05-04-2011 ម៉ោង 09:55:02

ឯក សារដែលត្រូវឆ្លងកាត់ស្ថាប័នគយក្នុងការចុះប្រតិវេទន៍ទាំង ទំនិញវិនិយោគនាំចូលក៏ដូចជាទំនិញបង់ពន្ធ កាន់តែមានផលលំបាកខ្លាំងទៅៗ ដោយសារតែមន្ដ្រី គយព្យាយាមបង្កើតឱ្យមានអំពើពុករលួយទៅលើបញ្ហាសេវាក្រោមតុជា ច្រើន កន្លែងសម្រាប់ច្រកអន្ដរជាតិបាវិត ។ លោកយន់ អន ប្រធានស្នាក់ការគយ និង រដ្ឋាករច្រកអន្ដរជាតិបាវិត គឺជាអ្នកផ្ដើមឱ្យមានអំពើពុករលួយក្នុងការពិនិត្យឯកសារទាំង នោះ យ៉ាងហោចណាស់ក៏អ្នករត់ការត្រូវបង់ប្រាក់១០០ទៅ១២០ដុល្លារ ដែលឯកសារមួយត្រូវបង់ចំនួន២០ដុល្លារ មន្ដ្រីគយផ្នែកត្រួតពិនិត្យត្រូវបង់ចំនួន១០ដុល្លារ មន្ដ្រីគយផ្នែកចុះលេខបូកនឹងមន្ដ្រីគយផ្នែកគណនេយ្យបង់ចំនួន ១៥ដុល្លារ ហើយសម្រាប់មន្ដ្រីគយផ្នែកត្រួតពិនិត្យមួយក្រុមទៀត គឺតម្រូវឱ្យអ្នករត់ការបង់ប្រាក់ក្នុងមួយឯកសារ៥០ទៅ៦០ដុល្លារ ដែលគេចាត់ទុកថាសេវានេះគឺជាថ្លៃបាយរបស់មន្ដ្រីគយដែលប្រើ ប្រាស់កម្លាំងពលកម្មទៅលើការត្រួតពិនិត្យទំនិញនាំចូលនិងទំនិញ វិនិយោគ។

ក្រៅ អំពីការបង់សេវាដូចដែលអ្នករត់ការបញ្ជាក់ខាងលើនេះ លោកយន់ អន ក៏មានវិធីសាស្ដ្រក្នុងការរកចំណូលមួយបែបទៀត គឺតម្រូវឱ្យមន្ដ្រីគយរបស់គាត់ត្រួតពិនិត្យទៅលើឯកសារ ប្រសិនបើចន្លោះប្រហោងទៅលើការបំពេញណាមួយត្រូវបង់ប្រាក់ពី២០ទៅ ៣០ដុល្លារ ឬក៏ការខុសក្នុងចំណុចណាមួយសម្រាប់ឯកសារចុះប្រតិវេទន៍ត្រូវបង់ ក្នុងមួយចន្លោះចំនួន១០ម៉ឺនរៀល ។ អំពើពុករលួយនេះបានក្លាយទៅជាទម្លាប់មួយដែលមន្ដ្រីគយកំពុងតែ ប្រើប្រាស់សម្រាប់ប្រយោជន៍បុគ្គល និងសម្រាប់ថ្នាក់លើផងដែរ ។

អ្នក រត់ការទំនិញវិនិយោគដែលជាពន្ធអាកររបស់រដ្ឋ ក៏ដូចជាអ្នករត់ការទំនិញនាំចូលបង់ពន្ធ តែងតែលើកអំពីផលលំបាកដែលមន្ដ្រីគយបង្ខំឱ្យបង់ប្រាក់និងធ្វើ ឱ្យឯកសារខ្លះយឺតយូរក្នុងគោលបំណងទាញយកផលចំណេញតម្រូវឱ្យអ្នក រត់ការទាំង នោះបង់ប្រាក់បន្ថែមលើសពីសេវាខាងលើនេះ ។ លោកយន់ អន កំពុងតែបង្កើតឱ្យមានភាពអនាធិបតេយ្យខ្វះការទទួលខុសត្រូវលើការ គ្រប់គ្រងមន្ដ្រីគយក្រោមឱវាទ ក្នុងការពិនិត្យឯកសារប្រតិវេទន៍មិនតែប៉ុណ្ណោះគាត់ក៏ផ្ដើមឱ្យ មានអំពើពុករលួយដែលគេចាត់ទុកថា រាល់ការអនុវត្ដខុសពីគោលការណ៍របស់អគ្គនាយកដ្ឋានគយ និងរដ្ឋាករ គឺជាការស្វះស្វែងដើម្បីរកលាភសក្ការៈក្នុងតំណែងរបស់ពួកគេ ក្នុងនោះមិនត្រឹមតែសម្រាប់សេដ្ឋកិច្ចខ្លួនឯងផ្ទាល់នៃមន្ដ្រី គយប៉ុណ្ណោះទេ អាចនឹងមានការបង់ប្រចាំសបា្ដហ៍ ឬប្រចាំខែសម្រាប់លោកយន់ អន ទើបទង្វើនេះបានក្លាយទៅជារឿងមួយដែលមន្ដ្រីគយមមាញឹកក្នុង ការអនុវត្ដរកប្រយោជន៍ក្នុងឯកសារចុះប្រតិវេទន៍នេះ ៕source

ជិតដល់ពេលឈប់ធើការហើយញ៉ុម

ដើមត្នោតខ្មែរ — Thu, 04 Feb 2010 01:28:33 +0000

លេងៗ ជិតដល់ពេល សេ Goodbye ដល់ពួកម៉ាកធើការជាមួយគ្នាហើយ (គឺមិត្តរួមការងារ មិនមែនរួមស្អីៗនុះតេ កុំច្រលំ)។ ម៉ាវឹកមុនដូចជាខំធើការដែរ កុំឲ្យខូចឈ្មោះដើមត្នោត

រវល់ដល់ហើយ…

ដើមត្នោតខ្មែរ — Mon, 03 Aug 2009 04:01:54 +0000

មិនដឹងជាស្អី ពីម៉ាង៉ៃទៅម៉ាង៉ៃ យល់ថាខ្លួនឯងដូចជារវល់ដល់ហើយដល់ថ្នាក់
រកពេលចូលប្លុកអត់បាន។

រៀនអើយរៀន មិនដឹងពេលណាយកមកប្រើការបានទេ

ខ្លាចតែដូចពាក្យគេថា ចាប់នេះចាប់នោះមិនឆ្ពោះត្រង់ណា

ធនាគារអេស៊ីលីដានៅប្រទេសកម្ពុជាបើកទីស្នាក់ការថ្មីនៅខេត្តកំពត

ដើមត្នោតខ្មែរ — Wed, 24 Jun 2009 08:50:05 +0000

នៅថ្ងៃនេះ ធនាគារអេស៊ីលីដា ដែលជាធនាគារឯកជន ត្រូវបើកសម្ពោធទីស្នាក់ការ ថ្មីមួយ នៅក្នុងខែត្រកំពត ដោយមន្រ្តីធនាគារ និយាយថា ទីស្នាក់ការថ្មីនេះ នឹង អនុញ្ញាតឲ្យធនាគារ ចូលទៅក្នុងទីផ្សារដែលមានទំហំបង្គួរ សម្រាប់ការផ្តល់ប្រាក់ កម្ចីខ្នាតតូច។ សាខាថ្មីនេះ គឺជាសាខាស្តង់ដារទី១៤ហើយ ដែលធនាគារអេស៊ីលីដាបានបង្កើត ឡើង នៅប្រទេសកម្ពុជា និងឡាវ ក្នុងគោលបំណង រក្សាសាខាសំខាន់ៗរបស់ខ្លួន នៅក្នុងកម្រិតហ្នឹងនមួយ។ លោកសាយ សុខសំណាង អនុប្រធានផ្នែករដ្ឋបាលសាខានៃអង្គភាពធនាគារ អេស៊ីលីដានិយាយថា ចាប់តាំងពីធនាគារបានបើកដំណើរការ ជាលើកដំបូង នៅខេត្តកំពតនៅឆ្នាំ១៩៩៤មក ធនាគារនេះបានទាក់ទាញអ្នកខ្ចីប្រាក់សកម្មចំនួន ៩ពាន់៣៧០នាក់ ដោយបានផ្តល់ប្រាក់កម្ចីចំនួន ៩លានដុល្លារអាម៉េរិកហើយ។ ធនាគារអេស៊ីលីដាមានសាលាចំនួន ៦០ នៅពាសពេញប្រទេសកម្ពុជា ដោយមាន ការិយាល័យចំនួន២២៩កន្លែង ហើយបុគ្គលិកធ្វើការសារុបទាំងអស់ជាង ៦ពាន់៩០០នាក់៕

ពេក ពេក ពេក

ដើមត្នោតខ្មែរ — Tue, 24 Mar 2009 00:42:15 +0000

ពាក្យថា «ពេក» នេះស្តាប់ភ្លាម ក៏ដឹងថាមិនជាល្អប៉ុន្មានទេ បើនិយាយឲ្យពិរោះបន្តិវវាមានន័យថា ជ្រុល ឬ លើស តែបើ និយាយឲ្យអាក្រក់ស្តាប់ទៅវាមានន័យថា ជោរ យកគាប់យកគួរ

ឧស្សាហ៏ពេក ខ្ជិលពេក ស្មោះពេក វៀចវេរពេក លឿនពេក យឺតពេក ច្រើនពេក តិចពេក និយាយត្រង់ពេក ភូតពេក សា្តប់ទៅសុទ្ធតែមានគួរធ្វើទាំងអស់

ខ្ញុំនៅចាំថា គ្រូខ្ញុំ Leena WAN នៅសាលា New Life និយាយថា One pair of shoes is enough, two pair of shoes is better for exchange. But three pair is too much.

កាលណាធ្វើការលឿនពេកគេថា ការងារស្រួល ចឹង គេឲ្យធ្វើថែមទៀត កាលណាធ្វើយឺតពេក គេថាខ្ជិល និយាយឲ្យយោបល់ពេកគេថាយកមុខយកមាត់ តែបើមិននិយាយអីសោះគេថាល្ងង់ អ៊ូយយូយពិតជាពិបាកមែន

មិនដូចកុំព្យូទ័រសោះ កាលណា ដាក់ស្អីចូល វាចេញហ្នឹង វ៉ៃ អេ វាចេញ អេ គិតៗទៅធ្វើការជាមួយមនុស្សពិតជាមិនស្រួលដូចធ្វើការជាមួយម៉ាស៊ីនទេ

មានពាក្យស្លោកបុរាណថា «ផ្លូវវៀចកុំបោះបង់ ផ្លូវត្រង់កុំដើរហោង» «ឬស្សីត្រង់ក៏គង់មានថ្នាំង» «ធ្វើជាមនុស្សត្រូវមានក្នុងមានក្រៅ»

ដោយឡែក ព្រះពុទ្ធោវាទ លោកទូន្មានថា «ចូរអ្នកដើរផ្លូវកណ្តាល» ។ពាក្យនេះពិតជាមានតំលៃលើសលប់ ល្មមអស់លោកញាតិញមពុទ្វបរិស័ទប្រតិបត្តិតាម

ដើមត្នោតខ្មែរអត់ប្រយោជន៏?

ដើមត្នោតខ្មែរ — Thu, 19 Mar 2009 03:15:48 +0000

មានមិត្តរួមការងារមា្នក់និយាយថា ‍‍‍‍‍«ដើមត្នោតអត់ប្រយោជន៏»វាគ្រាន់តែជាតំណាងអ្វីមួយ

ហេតុអ្វីខ្ញុំទៅធ្វើអ្វីអត់ប្រយោជន៏ចឹង

ស្តាប់ហើយចង់ឆេវដែរនឹង ក៏ តបថា «ខ្ញុំកូនអ្នកក្រ ខ្ញុំយល់ថាដើមត្នោតមានប្រយោជន៏

តែកូនអ្នកមាន យល់ថា Lexus មានប្រយោជន៏»

ថាហើយ វ៉ៃ ចូល វឺតប្រេសភ្លាមៗ ឡួយទេ

ពាក្យគន្លាស់

ដើមត្នោតខ្មែរ — Thu, 19 Mar 2009 00:33:01 +0000

សំដីសំដៅ

សំដីប្រដៅ » សំដៅប្រដី

ែចចូវ

ចូលដល់ម៉ែ » ចែដល់ម៉ូល

ចូលដល់ឪ » ចូវដល់អូល

ចានក្បាន

ក្បែរចង្រ្កាន » ក្បានចង្រ្កែ

ព័ត៌មានបន្ថែម

ឱដើមអម្ពិលទឹក

ដើមត្នោតខ្មែរ — Mon, 16 Mar 2009 06:47:58 +0000

គេកាត់គេច្រឹបគេរក្សា
ស្អិតស្អាងកាយាឲ្យឥតហ្មង
ពីខាងពីលើធ្វើរបង
អ្នកផងសរសើរអម្ពិលទឹក។
ថាជារុក្ខជាតិមានវាសនា
គេរាប់ប្រើការបានសន្ធឹក
មានដើមមានមែកបន្លាញឹក
សន្លឹកក៏ស្រស់រស់យូរយារ។
តែស្រស់តែស្អាតតែត្រឹមត្រង់
រូបខ្ញង់នេះសម្រាប់នរណារ?
សម្រាប់អម្ពិលទឹករុក្ខា?
ឬថាសម្រាប់មនុស្សវិញទេ?
ដើមណាដែលរស់តាមធម្មជាតិ
លូតលាស់តាមមាឌមែកទន់ទេរ
សារិកាច្រៀវច្រៃច្រៀងបំពេរ
ផ្កាផ្លែរាំរេតាមសូរខ្យល់។
ឯដើមឈរត្រៀបតម្រៀបជួរ
សមគួរល្អគន់ពន់ពេកសល់
តែកំរើកដៃកន្ត្រៃដល់
បានផលដាច់ក ត្រដររស់។
រស់រាប់ខែឆ្នាំចាំជីវិត
ក្រិនក្រៀមក្រពិតឥតកម្ពស់
យាមផ្ទះឲ្យគេទទេសោះ
មានឈ្មោះតែត្រង់គេថាល្អ។
លុះថ្ងៃដែលប្រាក់កាសគេដល់
គេកាប់គ្មានសល់ពូជទុកត
គេគាស់ទាំងឬសចាក់គ្រឹះថ្ម
េគសរសើរល្អរបងដែក៕

គយ សារុន
ភ្នំពេញ ១៨ មេសា ១៩៦៥